أحدث الأخبار




صور ل‏محمد سلطان‬ من مستشفي المنيل التخصصي وهو فى حاله حرجة والكلبشات فى ايديه وممنوع عنه الزيارة الا بتصريح - وبيان لعائلة محمد سلطان

بيان من عيلة محمد سلطان
9-10-2014
يذكر أن محمد هو نجل الدكتور صلاح سلطان ، وقد دخل في اضراب
مفتوح منذ منذ 26 يناير 2014 .
سلطان وافق على تعليق "محلول رنجر" واحدة تحت تهديد أحد الأطباء
الإداريين له بارسال تقرير للمحكمة غدا يفيد بأنه رفض العلاج ويحاول
الانتحار .
حسبي الله ونعم الوكيل
انهاردة العيلة عرفت تشوف محمد في المنيل التخصصي ، دخلنا بعد مشادات مع امن المستشفي اللي كانوا منعنا من الدخول للمستشفي اصلا - مع اننا معانا تصريح زيارة من السجن -
و بعد مشادات و مشاحنات حصلت .. عرفنا مع حد من الامن نطلع نكلم الطابط المسؤول عن محمد و قدرنا ان احنا ندخله - بعد عناء -
و اكتشفنا بعدها الاتي :
١- دخلنا لقينا محمد ايده متكلبشة في السرير و الكليش ضيق علي ايده !
و الظباط قالولنا انهم امبارح لقوا طبيبه امتياز بتشحن تليفونها جنب محمد و كان فيه تفتيش دخلوا عليه لقوه بيتكلم في التليفون ده ، رغم ان محمد اما حكالنا قال انه كان مايم و صحي عالدوشة !
مع العلم :- ان محمد مبيعرفش يتقلب عالسرير من الاساس الا بمساعدة الأطباء !
٢- من المفترض ان محمد يتنقله وحدات دم لكنه امتنع عن ده عشان موضوع الكلبش اللي في السرير .
٣- كان اتفاق محمد مع الاطباء ساعة دخوله المستشفي انه هياخد محاليل ملح بس . انهارده و هو نايم صحي اكتشف ان الاطباء حطوله محاليل تغذية ، قرر ساعتها انه هيمتنع عن كل المحاليل عشان فقد ثقته في فريق الاطباء ( لأنه محمد التقارير بتاعه المستشفي هتبقي مرفقة معاه يوم السبت الجلسة و اللي هي اكيد بعد تعليق محاليل التغذية هنثبت ان صحته مستقرة و مش علي هذا القدر من الخطورة و انه مش هيحتاج افراج صحي من القاضي )
اما محمد فكر الأطباء بالاتفاق انه هياخد بس محلول ملخ قالولوا لو مت عندنا هنكتبك منتحر !
العيلة بتحمل المسؤولية الكاملة للداخليه و السفارة الامريكية المتواطئة بتباطؤها عن حياة محمد سلطان خصيصاً بعد تعرض محمد للاهانة بكلبشته في سرير المستشفي اللي علي اثرها قرر انه يمتنع عن اي رعاية طبية من الاساس !
عائلة محمد سلطان
9-10-2014

Labels:



Leave A Comment:

يتم التشغيل بواسطة Blogger.