أحدث الأخبار




السخرية من محافظ الاسكندرية الجديد وزوجته : مراته معاه تحضر كل لقاءاته الرسمية مع الوزراء و المسؤولين

محافظ الإسكندرية الجديد الرِّوش اللى أكبر إنجازاته اللى قدموها للناس هى أنه رياضى و صوره و هو بيسوق العجل و فى حمام السباحة ملت الجرايد , بياخد مراته معاه تحضر كل لقاءاته الرسمية مع الوزراء و المسؤولين !!
آه و الله زمبؤلكوا كده ! grin emoticon
تقريبا المحافظ الكيوت فاكر أنه رايح النادى زى ما هو متعود و واخد المدام و قاعدين يتناقشوا فى مشاكل ماسر مع الفريندز و بعدها يلفوا التراك و ياخدوا درينك على البيسين ! ... و ناسي أنه مسؤول و ده لقاءات رسمية!
و بتقعد حضرتها تناقش المسؤولين ... و وزيرة البيئة زعلانةقوى هى و نائبة المحافظ لان مرات الوزير مالهاش صفة رسمية و خرجوا يشتكوا !
و الظريف إنه فى كل الصور طالعة قاعدة على يمينه و هى اللى بتتكلم و بتناقش و هو قاعد بيسمع و كأنهم بيناقشوا مشاكل عائلية !
يا ريت سيادته المرة الجاية يجيب معاه الاولاد بالمرة , و الوزراء يجيبوا المدام و الأولاد و اللقاء يبقي فى نادى سموحة أو فى كافيه على البحر , و تبقي لقاءات وزارية عائلية و المدامات يتكلموا براحتهم و الأولاد يلعبوا و يتبسطوا أحسن من كتمة المكاتب .
سيبك إنت , أهم حاجة شالوا المحافظ الإخوانى د.حسن البرنس , اللى المرة الوحيدة اللى شفنا فيها زوجته كانت مشاركة فى حملة لنظافة و تشجير الإسكندرية و بتنضف مع الشباب فى الشارع بإيدها !
علشان محدش يقول انتى غيرانة منها علشان جوزك مش بياخدك معاه حتى لو مراجيح السبتية ودى نفسنة حريم tongue emoticon
الخبر منشور كامل فى جريدة فيتو..
‫#‏جهاد_كمال‬
Like

Labels:



Leave A Comment:

يتم التشغيل بواسطة Blogger.